Hurmatli abonentlar!

East Telecom xizmatlarini doimiy ravishda takomillashtirib, sizga yanada zamonaviy va yuqori tezlikdagi yechimlarni taqdim etishga intilmoqda. Toshkent shahri va Toshkent viloyatida raqamli infratuzilmaning jadal rivojlanishini inobatga olib, kompaniya tezlik hamda barqarorlikka yuqori talab qo‘yadigan tarif liniyalariga e’tiborni kuchaytirishga qaror qildi.

2025‑yil 1‑avgustdan boshlab Toshkent shahri va Toshkent viloyatida yangi abonentlar uchun «Turbo 20», «Turbo 50» va «Turbo 50 + TV» tarif rejalari vaqtinchalik ulanish uchun yopiladi. Boshqa hududlarda mazkur tarif rejalari avvalgidek amal qiladi.

Muhim ma’lumot:

• «Turbo 20», «Turbo 50» va «Turbo 50 + TV» tariflariga ulangan barcha amaldagi abonentlar xizmatdan oldingi shartlar bo‘yicha foydalanishda davom etadilar.

• Barcha boshqa tarif rejalarimiz odatdagidek mavjud va uzluksiz ishlamoqda.

Bizni tanlaganingiz uchun rahmat! East Telecom sizning ehtiyojlaringizni qondirish uchun internetni yanada tezkor, barqaror va qulay qilish ustida tinimsiz ishlashda davom etadi.